Elastik planşet təqdim olunub 2018-09-04 15:00:00 / TEXNOLOJİ YENİLİKLƏR

Kanadanın Kral Universitetinin İnsan media-laboratoriyasının tədqiqatçılar qrupu planşetə və smartfona bənzəməyən, lakin hər iki qadcetin funksiyaları ilə təchiz edilmiş “MagicScroll” adlı orijinal qurğu hazırlayıb.

İstehsalçıların sözlərinə görə, onları elastik sensor ekrana malik qadcetin yaradılmasına qədim misir papirus bağlamaları (lülə halında bükülmüş kağızlar) ilhamlandırıb. 3D-çapın köməyilə hazırlanmış yeni qurğunun ekranında dəyişmələr qadcetin kənarlarında yerləşdirilmiş təkərləri döndərməklə həyata keçirilir.

Əlavə məlumat tələb olunduqda istifadəçi görünüş sahəsinin formatının genişlənməsi üçün ekranı korpusdan ayıra bilər. Elastik ekran 2K təsvir ölçüsünə malikdir.

techcult.ru saytının məlumatında bildirilir ki, qadcetin qeyri-adi silindrik forması artıq bir sıra üstünlüklərini göstərib. Məsələn, “MagicScroll” əldə və cibdə saxlamaq üçün “iPad”dan daha rahatdır. Qurğu, onu jestlərin köməyilə idarə etməyə imkan verən kamera ilə təchiz olunub.

    Copyright © İnformasiya Texnologiyaları İnstitutu, 2023