Turbin mexanizmi bir yerdə dayanaraq uça bilən kolibrin bacarığını təkrarlayır.

Tunis alimlərinin hazırladığı yeni külək turbini mexanika sahəsində inqilabçı sıçrayış ola bilər. Unikal külək turbininin istehsalçısı Tayer Wind-in fikrincə, yaxın vaxtlara qədər alimlər yalnız maşınlara heyvan və insan hərəkətlərini təqlid etmək texnologiyasını tətbiq etə bilirdilər.

rodovid.me saytının məlumatına görə, bu məhdudiyyət külək energetikası sektorunda kifayət qədər sadə və effektiv  turbinlərin yaradılmasına gətirib çıxardı. Tayer 3D Aouinian kinematikadan istifadədə pionerə çevrilib və indi biz havada dayana bilən quşlar – kolibrlərin hərəkətlərinə modelləşdirilmiş unikal külək turbininin necə işlədiyini görə bilərik. O iki şaquli karbon lifindən hazırlanmış ox-qanadlara malikdir. Hər biri 1,6 m uzunluğunda olan qanadlar küləyin kinetik enerjisini təmiz elektrik enerjisinə çevirə biləcək. 

“Tayer” şirkətinin həmtəsisçisi və partnyoru Hassine Labaied-in sözlərinə görə, bu, olduqca tarixi əhəmiyyətli hadisədir, çünki ilk dəfə olaraq  qurğu kiçik quşun qanadlarının hərəkətini müvəffəqiyyətlə təkrarlaya bilir.

Mütəxəssislər bildiriblər ki, 3D Aouinian kinematika xarici və daxili yanma mühərrikləri, nasoslar və gəmi motorları daxil olmaqla digər texnologiyalarda da tətbiq edilə bilər.