3D-çiplərin ilk arxitekturu təqdim olunub 2018-12-14 14:27:00 / TEXNOLOJİ YENİLİKLƏR

“Intel” mütəxəssisləri çiplərdə tranzistorların sıxlığını artırmaq üsulunu tapıblar. Şirkət 3D-çiplərin ilk arxitekturunu təqdim edib. Bu texnologiyaya malik ilk modellər 2019-cu ilin ikinci yarısında istehsal olunacaq.

hi-tech.mail.ru saytının məlumatında bildirilir ki, texnologiya müxtəlif prosessorları və modulları çipin bütün səthi üzrə, həm də bir-birinin üzərinə qoyaraq birləşdirməyə imkan verir. “Foverus” arxitekturunun köməyilə “Intel” prosessorlarda 10 nanometrlik texnoloji prosesə nail olub. Şirkət hələ ki, yeni texnologiyanın məhz harada istifadə olunacağı barədə təfərrüatları açıqlamır.

“Intel” eyni zamanda “Sunny Cove” yaddaşının yeni mikroarxitekturunu təqdim edib. O, növbəti nəsil “Intel Core” və “Xeon” prosessorlarında istifadə olunacaq. Şirkət əmrlərin icrasının ləngiməsinin azaldılmasını və çoxsaylı əməliyyatların paralel icrasını mümkün etməyi vəd edir.

Şirkət nümayəndələri, həmçinin yeni inteqrasiya edilmiş qrafik çiplər və 2020-ci ildə ilk diskret videokartın təqdim edilməsi planları barədə məlumat veriblər.

    Copyright © İnformasiya Texnologiyaları İnstitutu, 2024