İnformasiya Texnologiyaları İnstitutunda növbəti seminar keçirildi 2014-11-28 15:50:30 / KONFRANSLAR

AMEA İnformasiya Texnologiyaları İnstitutunun 16 saylı şöbəsində 2014-cü il ərzində yerinə yetirilmiş işlərin müzakirəsinə həsr olunmuş seminar keçirildi.

 

Şöbə müdiri Gülnarə Nəbibəyova şöbədə elmi-tədqiqat fəaliyyəti çərçivəsində görülmüş işlərdən danışdı. O, e-dövlətin formalaşması, terminoloji informatika problemləri, İnternet-medianın formalaşması və virtual məkanda Azərbaycan dilinin tətbiqi problemləri ilə əlaqədar aparılmış elmi araşdırmaların icra vəziyyəti haqqında məlumat verdi.

 

G.Nəbibəyova, həmçinin hesabat ili ərzində elmi-innovasiya, elmi-pedaqoji, elmi-təşkilati fəaliyyət, müxtəlif təyinatlı kitablar və e-nəşrlərin hazırlanması, elmi-texniki konfrans, seminar və simpoziumlarda iştirak və s. istiqamətlərdə yerinə yetirilmiş işləri diqqətə çatdırdı.

 

Sonda fikir mübadiləsi aparıldı, suallar cavablandırıldı.

    Copyright © İnformasiya Texnologiyaları İnstitutu, 2023