Fotoşəkillərin keyfiyyətini yüksəldən yeni proqram hazırlanıb 2017-12-18 12:00:00 / MARAQLI MƏLUMATLAR

Amerikanın “Google” korporasiyası “Android” əməliyyat sistemi üçün fotoşəkillərin keyfiyyətini yüksəldən xüsusi proqram hazırlayıb.

dni24.com saytının məlumatına görə, “Android” sistemi ilə işləyən smartfonların istehsalçıları qurğunun kamerasının işini tənzimləmək ehtiyacı duyurlar. Bəzən fotoçəkilişin keyfiyyəti ürəkaçan olmur. Şirkətin mütəxəssisləri bu nasazlığı aradan qaldırmaq üçün “Android 7.0 Nougat” əsasında işləyən bütün qurğulara uyğun gələn “Google.Camera” proqramını hazırlayıblar.

Proqramın işini “Android”in daha erkən versiyaları ilə uyğunlaşdırmaq mümkün deyil. Proqram xüsusi alqoritmlərdən istifadə etməklə, təsvirin ötürülməsi zamanı reallığa nail olaraq şəkilləri daha aydın və keyfiyyətli edir.

    Copyright © AMEA İnformasiya Texnologiyaları İnstitutu, 2017